गोरी गोरी पान

गोरी गोरी पान


गोरी गोरी पान । फुलासारखी छान ।
दादा ! मला एक वहिनी आण ॥धृ॥
गोऱ्या गोऱ्या वहिनीची अंधाराची साडी
अंधाराच्या साडीवर चांदण्याची खडी
चांदण्याचा पदराला बिजलीचा हार
दादा ! मला एक वहिनी आण ॥१॥
वहिनीला आणायला चांदोबाची गाडी
चांदोबाच्या गाडीला हरिणाची जोडी
हरिणाची गाडी, तुडवी गुलाबाचे रान
दादा ! मला एक वहिनी आण ॥२॥
वहिनीशी गट्टी होता तुला दोन थापा
तुला दोन थापा, तिला साखरेचा पापा
बाहुल्यांच्या परि होऊ दोघे आम्ही स्वार
दादा ! मला एक वहिनी आण ॥३॥

Comments

Post a Comment

Popular posts from this blog

श्रावण मासी हर्ष मानसी

श्रावण मासी हर्ष मानसी श्रावण मासी हर्ष मानसी हिरवळ दाटे चोहिकडे, क्षंणात येते सर सर शिरवे क्षंणात फिरुनि ऊन पडे वरति बघता इंद धनुचा गोफ दुहेरि विणलासे मंगल तोरण काय बांधले नभोमंडपी कुणी भासे झालासा सुर्यास्त वाटतो,सांज अहाहा तो उघडे तरु शिखरावर उंच घरावर पिवळे पिवळे ऊन पडे उठती वरती जलदांवरती अनंत संध्याराग पहा सर्व नभावर होय रोखिले सुंदरतेचे रुप महा बलाकमाला उडता भासे कल्पसुमांची माळिच ते उतरुनि येती अवनीवरती ग्रहगोलचि की एकमते फडफड करुनि भिजले अपुले पखं पाखरे सावरती सुंदर हरिणी हिरव्या कुरणी निजबाळांसह बागडती खिल्लारे ही चरती रानी गोपही गाणी गात फिरे मंजूळ पावा गाई तयांचा श्रावण महिमा एकसुरे सुवर्ण चंपक फुलला विपिनी रम्य केवडा दरवळला पारिजातही बघता भामा रोष मनीचा मावळला सुंदर परडी घेऊनि हाती पुरोपकंठी शु्द्धमती सुंदर बाला या फुलमाला रम्य फुले पत्री खुडती देव दर्शना निघती ललना हर्ष मावे ना हदयात वदनी त्यांच्या वाचून घ्यावे  श्रावण महिन्याचे गीत - बालकवी 
Read more

आनंदी आनंद गडे

आनंदी आनंद गडे इकडे तिकडे चोहीकडे वरती खाली मोद भरे, वायूसंगे मोद फिरे नभांत भरला, दिशांत फिरला, जगात उरला मोद विहरतो चोहीकडे, आनंदी आनंद गडे सूर्यकिरण सोनेरी हे, कौमुदी ही हसते आहे खुलली संध्या प्रेमाने, आनंदे गाते गाणे मेघ रंगले, चित्त दंगले, गान स्फुरले इकडे, तिकडे, चोहीकडे, आनंदी आनंद गडे वाहती निर्झर मंदगती, डोलती लतिका वृक्षतती पक्षी मनोहर कुजित रे, कोणाला गातात बरे कमल विकसले, भ्रमर गुंगले, डोलत वदले इकडे, तिकडे, चोहीकडे, आनंदी आनंद गडे
Read more